QazTrade "бір ауыл-бір өнім" жобасының финалистеріне оқыту өткізді

QazTrade сарапшылары "бір ауыл-бір өнім" жобасының финалистеріне оқыту жүргізді. Жобаның үйлестірушісі "Атамекен" ҰКП болып табылады.

"Атамекен" ҰКП Басқарушы директоры Айдана Тогизбаеваның айтуынша, жобаның міндеті – Ауылдық жерлерде бизнесті дамытуды ынталандыру, тауарлардың сапасын арттыру, өңірлік брендтер құру. Үздік өнім бүкіл Қазақстан бойынша көрме-жәрмеңкелердің көмегімен іріктеледі. Жоба 2025 жылға дейін есептелген.

Бүгін QazTrade Center for Trade and Policy Development QazTrade Academy платформасында "бір ауыл - бір өнім" жобасының финалистері үшін арнайы оқыту өткізді (www.qaztradeacademy.kz).

Спикерлер жаңадан келген экспорттаушыларға қолдау көрсету шаралары туралы қысқаша айтып берді. Өздеріңіз білетіндей, халықаралық нарықтарға шығу процесі күрделі және әртүрлі кедергілер мен талаптарды қамтиды. Бұл факторлар көбінесе өз тауарлары мен қызметтерін экспорттауды бастағысы келетін қазақстандық кәсіпорындар үшін кедергі болады.

Бүгін біз қатысушыларға қолдау шаралары, пайдалы құралдар туралы ақпарат бердік, сондай-ақ логистика мәселелерін түсіндірдік.

QazTrade Academy орталығының басшысы Айнұр Әмірбекова атап өткендей, сервистік қолдау шаралары аясында кәсіпкерлер экспорттық қызмет ережелерін оқып, сарапшылардың кеңестері мен ұсыныстарын ала алады, сондай-ақ QazTrade бағдарламаларына қатыса алады.